Պիետրո Բելլուսկի

Պիետրո Բելլուսկի; անգլ.՝ Pietro Belluschi
Ծնվել է	օգոստոսի 18, 1899[…]
Ծննդավայր	Անկոնա, Մարկե
Մահացել է	փետրվարի 14, 1994 (94 տարեկան)
Վախճանի վայր	Պորտլենդ, Օրեգոն, ԱՄՆ
Ոճ(եր)	ինտերնացիոնալ ոճ
Կրթություն	Կոռնելի համալսարան, Կոռնելի համալսարանի ճարտարագիտական քոլեջ և Հռոմի Սապիենզա համալսարան
Ուշագրավ աշխատանքներ	Commonwealth Building?
Պարգևներ	Ճարտարապետների ամերիկյան ինստիտուտի ոսկե մեդալ Հռոմի մրցանակ Ճարտարապետների ամերիկյան ինստիտուտի անդամ և Ամերիկայի արվեստների և գիտությունների ակադեմիայի անդամ
Անդամություն	Արվեստների և գիտությունների ամերիկյան ակադեմիա և Արվեստի և գրականության ամերիկյան ակադեմիա
	Pietro Belluschi Վիքիպահեստում

Պիետրո Բելլուսկի (անգլ.՝ Pietro Belluschi, օգոստոսի 18, 1899(1899-08-18)^[1]^[2]^[3]^[…], Անկոնա, Մարկե - փետրվարի 14, 1994(1994-02-14)^[2]^[3], Պորտլենդ, Օրեգոն, ԱՄՆ), իտալական ծագմամբ ամերիկացի ճարտարապետ։ Ճարտարապետական մոդեռնիզմի առաջնորդ, առնչություն ունի հազարից ավելի շենքերի նախագծման հետ^[4], մի շարք հեղինակավոր ճարտարապետական պարգևների դափնեկիր։

Կենսագրություն

Պիետրո Բելլուսկին ծնվել է 1899 թվականի օգոստոսի 18-ին Անկոնայում։ Մեծացել է Հռոմում^[5]։ Առաջին համաշխարհային պատերազմի ժամանակ ծառայել է բանակում, մարտնչել է ավստրիացիների դեմ, մասնակցել է այնպիսի խոշոր ճակատամարտերի, ինչպիսիք են Կապորետոյի և Վիտտորիո-Վենետոյի ճակատամարտերը։ Պատերազմի ավարտից հետո Բելլուսկին ընդունվում է Հռոմի Լա Սապիենցի համալսարան և ավարտում է այն 1922 թվականին՝ ստանալով «քաղաքացիական ինժեներ» մասնագիտություն^[6]։ Հաջորդ տարի ուսանողության փոխանակման ծրագրի միջոցով մեկնում է ԱՄՆ, որտեղ չնայած անգլերենին բացարձակ չտիրապետելուն, ավարտում է Կոռնելի համալսարանը նույն մասնագիտությամբ։ Բելլուսկին իր իտալացի ընկերների խորհրդով չի վերադառնում հայրենիք, քանի որ այնտեղ այդ ժամանակ սկսել էր ուժ հավաքել Բենիտո Մուսոլինի ֆաշիստական ռեժիմը։ Սկզբում Բելլուսկին աշխատում է Այդահոյի հանքերում որպես ինժեներ, որտեղից օրական ստանում է հինգ դոլար (մոտավորապես 66 դոլար 2015 թվականի գներով^[7]), այնուհետև աշխատանքի է անցնում Պորտլենդի Ալբերտ Դոյլի ճարտարապետական բյուրոյում, այդ քաղաքում անցկացնելով իր կյանքի զգալի մասը։ Դոյլի բյուրոյում Բելլուսկին հասարակ գծագրողից հասնում է մինչև գլխավոր դիզայներ, իսկ 1943 թվականից արդեն բյուրոն պատկանում էր իրեն և այն կոչում է իր անունով^[5]։ 1950-ական թվականների սկզբին Բելլուսկին ստանում էր տարեկան 150 հազար դոլար (համարյա 1,35 մլն դոլար 2015 թվականի գներով^[7]):

1951 թվականին Բելլուսկին դառնում է Մասաչուսեթսի տեխնոլոգիական ինստիտուտի ճարտարապետության և նախագծման դպրոցի դեկանը և այդ պաշտոնում մնում մինչև 1965 թվականը։ Մասաչուսեթս փոխադրվելուց առաջ Բելլուսկին իր պորտլենդյան գրասենյակը հանձնում է Skidmore, Owings & Merrill ընկերությանը։

Պիետրո Բելլուսկին մահացել է 1994 թվականին, կյանքի 95-րդ տարում^[6]։

Անձնական կյանք

Առաջին կինը` Հելեն Խեմմիլան ունեցել է 2 որդի, Պիտերը (ծնվ. 1939 թվական) և Էնթոնին (ծնվ. 1941 թվական)։
Երկրորդ կինը` Մարջորին (1920-2009), 1965 թվականից մինչև 1994 թվականի փետրվարի 14-ը (ճարտարապետի մահը)։

Պարգևներ

1950-1955 թվականներ - ԱՄՆ նրբագեղ արվեստների Հանձնաժողովի անդամ նախագահի նշանակմամբ
1951-1965 թվականներ - Մասաչուսեթսի տեխնոլոգիական ինստիտուտի ճարտարապետության և նախագծման դպրոցի դեկան
1952 թվականից - Արվեստի և գիտության Ամերիկյան ակադեմիայի անդամ
1953-1957 թվականներ - Դիզայնի ազգային ակադեմիայի զուգորդված անդամ, 1957 թվականից՝ լիիրավ
1972 թվական - Ճարտարապետների Ամերիկյան ինստիտուտի ոսկե մեդալ
1970-ականների վերջից մինչև 1980-ականների սկիզբ Վաշինգտոնում Վիետնամի վետերանների հուշահամալիրի դիզայնի ընտրության ժյուրիի անդամ
1991 թվական - Արվեստների բնագավառում ԱՄՆ ազգային մեդալի մրցանակաբաշխությունում Բելլուսկին պատմության մեջ երկրորդ ճարտարապետն էր, որ պարգևատրվել էր այդ մեդալով
Ճարտարապետների Ամերիկյան ինստիտուտի անդամ

Պատկերասրահ

Ստերլինգի և Ֆրանսիս Քլարկի արվեստի ինստիտուտ
Մետլայֆ բիլդինգ
555 Կալիֆոռնիա սթրիթ
Ժոզեֆ Մեյերհոֆֆի անվան սիմֆոնիկ սրահ

Ծանոթագրություններ

↑ ^1,0 ^1,1 Structurae — Ratingen: 1998.
↑ ^2,0 ^2,1 ^2,2 ^2,3 ^2,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
↑ ^3,0 ^3,1 ^3,2 ^3,3 ^3,4 Clausen M. L. Belluschi, Pietro // Grove Art Online / J. Turner — [Oxford, England], Houndmills, Basingstoke, England, New York: OUP, 2017. — doi:10.1093/GAO/9781884446054.ARTICLE.T007726
↑ Obituary/Pietro Belluschi (անգլ.) на сайте newsoffice.mit.edu, 2 марта 1994
↑ ^5,0 ^5,1 Пол Голдбергер. Pietro Belluschi, 94, an Architect Of Major Urban Buildings, Dies (անգլ.) на сайте nytimes.com, 16 февраля 1994
↑ ^6,0 ^6,1 Дейв Биркленд. Pietro Belluschi, 94, Helped Design Seattle Convention Center Արխիվացված 2011-05-19 Wayback Machine (անգլ.) на сайте community.seattletimes.nwsource.com, 16 февраля 1994
↑ ^7,0 ^7,1 Калькулятор инфляции доллара США (անգլ.)

Արտաքին հղումներ

Интервью с Пьетро Беллуски (անգլ.) на сайте aaa.si.edu
Пьетро Беллуски (անգլ.) на сайте greatbuildings.com

Վիքիպահեստն ունի նյութեր, որոնք վերաբերում են «Պիետրո Բելլուսկի» հոդվածին։

[_086ee083a0f00990-1] 1,0 ^1,1 Structurae — Ratingen: 1998.

[_19076c792bb3c708-2] 2,0 ^2,1 ^2,2 ^2,3 ^2,4 Bibliothèque nationale de France data.bnf.fr (ֆր.): տվյալների բաց շտեմարան — 2011.

[_1f9cc965f41f98f5-3] 3,0 ^3,1 ^3,2 ^3,3 ^3,4 Clausen M. L. Belluschi, Pietro // Grove Art Online / J. Turner — [Oxford, England], Houndmills, Basingstoke, England, New York: OUP, 2017. — doi:10.1093/GAO/9781884446054.ARTICLE.T007726

[nof-4] Obituary/Pietro Belluschi (անգլ.) на сайте newsoffice.mit.edu, 2 марта 1994

[nyt-5] 5,0 ^5,1 Пол Голдбергер. Pietro Belluschi, 94, an Architect Of Major Urban Buildings, Dies (անգլ.) на сайте nytimes.com, 16 февраля 1994

[csn-6] 6,0 ^6,1 Дейв Биркленд. Pietro Belluschi, 94, Helped Design Seattle Convention Center Արխիվացված 2011-05-19 Wayback Machine (անգլ.) на сайте community.seattletimes.nwsource.com, 16 февраля 1994

[inf-7] 7,0 ^7,1 Калькулятор инфляции доллара США (անգլ.)

[1]

[2]

[3]

[4]

[5]

[6]

[7]